Guðrún Hafsteinsdóttir dómsmálaráðherra, einnig þekkt sem ísdrottningin vegna þess að hún er einn af eigendum Kjöríss, bauð í teiti í Skyrgerðinni í Hveragerði um helgina.

Um 200 manns sóttu samkomuna og á meðal gesta voru Gerður Huld Arinbjarnardóttir, eigandi kynlífstækjaverslunarinnar Blush, og kærastinn hennar Jakob Fannar Hansen.

Þá vantaði ekki framámenn úr Sjálfstæðisflokknum en Árni Sigfússon, fyrrverandi borgarstjóri og bæjarstjóri, Bragi Bjarnason, bæjarstjóri Árborgar, Viktor Pétur Finnsson, formaður Sambands ungra Sjálfstæðismanna, og fleiri létu sjá sig.

„Það skiptir máli að það sé gaman í stjórnmálum og það var svo sannarlega gaman er yfir 200 sjálfstæðismenn í Suðurkjördæmi komu saman síðasta laugardag,“ skrifaði Guðrún á félagsmiðla.

Það var margt um manninn í Hveragerði en Guðrún segir að um 200 manns hafi látið sjá sig. Ljósmynd/Håkon Broder Lund

Diljá Mist Einarsdóttir, einn málglaðasti þingmaður landsins, ásamt Sveini Ægi Birgissyni, formanni bæjarráðs Árborgar. Ljósmynd/Håkon Broder Lund

Halldór Halldórsson, fyrrverandi bæjarstjóri Ísafjarðar og núverandi forstjóri Íslenska kalkþörungafélagsins, lét sjá sig ásamt konu sinni Sigríði Hjálmarsdóttur. Ljósmynd/Håkon Broder Lund

Vikto Pétur Finnsson, formaður Sambands ungra Sjálfstæðismanna, ávarpaði samkomuna. Ljósmynd/Håkon Broder Lund

Það vantar ekki kvennorkuna á þessa mynd en þarna eru samankomnar Dagný Lísa Davíðsdóttir, Berglind Haraldsdóttir, Birta Karen Tryggvadóttir, Gunnlaug Helga Ásgeirsdóttir og Kata Magdalena. Ljósmynd/Håkon Broder Lund

Grindvíkingurinn Bryndís Gunnlaugsdóttir lét sig ekki vanta. Ljósmynd/Håkon Broder Lund

Júlíus Viggó Ólafsson, formaður Heimdallar, mætti einnig í samkomuna. Ljósmynd/Håkon Broder Lund

Steinar Ingi Kolbeins, aðstoðarmaður Guðlaugs Þórs Þórðarsonar, ásamt Ásmundi Friðrikssyni þingmanni. Ljósmynd/Håkon Broder Lund

Á þeim tímapunkti sem þessi ljósmynd er tekin er greinilega verið að ávarpa samkomuna en ekki verið að hella í glös. Gerður í Blush sést þarna aftarlega ásamt Jakobi. Ljósmynd/Aðsend