Lilja Dögg Alfreðsdóttir, menningar- og viðskiptaráðherra, er stödd í Kaupmannahöfn. Hún er þátttakandi í opinberri sendinefnd forseta Íslands, Höllu Tómasdóttur og Björns Skúlasonar eiginmanns hennar. Lilja klæddist kjól frá íslenska hönnuðinum Hildi Yeoman við undirritun yfirlýsingar sem snýr að leiðum til þess að gera íslensku handritunum hærra undir höfði.

Frétt af mbl.is

Tímamótasamningur gerður á milli Íslands og Danmerkur

Frétt af mbl.is

Klæðaburður Björns vekur athygli í Kaupmannahöfn

Kjóllinn sem Lilja klæðist kallast „Allure Dress“ og kostar 64.900 krónur. Hann er úr 100% satínofnu-pólýester sem gefur efninu fallega glansáferð. Kjóllinn er með bleiku mynstri, með V-hálsmáli og bundinn um mittið. Lilja hefur þó snúið kjólnum við og nær hann alveg upp í háls að framan og V-ið kemur þá niður á bakið.

Kjóllinn á heimasíðu Hildar Yeoman.