Heimili | 11. október 2024

Arkitektaíbúð með eyju á hjólum og útsýni

Við Kársnesbraut í Kópavogi er að finna einstaka arkitektaíbúð sem er 127 fm að stærð. Íbúðin er í húsi sem reist var 1965.

Arkitektaíbúð með eyju á hjólum og útsýni

Heimili | 11. október 2024

Eldhúsið er fallega innréttað með nútímalegu innréttingum. Ljósmynd/Kristján Orri Jóhannsson

Við Kársnesbraut í Kópavogi er að finna einstaka arkitektaíbúð sem er 127 fm að stærð. Íbúðin er í húsi sem reist var 1965.

Soffía Tinna Hjörvarsdóttir arkitekt hjá Hornsteinum arkitektum og Jóhann Jökull Ásmundsson stafrænn verkefnastjóri hjá Reykjavíkurborg hafa endurnýjað íbúðina mikið síðan þau festu kaup á henni 2016.

Þegar þau festu kaup á íbúðinni var innra fyrirkomulagi breytt. Hol var opnað inn í stofu og eldhús fært úr norðuaustur herbergi í miðrými. Sett var ný eldhúsinnrétting sem hefur að geyma gott vinnupláss og gott skápapláss.

Það sem vekur athygli er að eyjan í eldhúsinu er á hjólum þannig að hægt er að færa hana á milli ef vill. Það býr til meiri möguleika.

Ljósmynd/Kristján Orri Jóhannsson

Eyjan í eldhúsinu er á hjólum. Ljósmynd/Kristján Orri Jóhannsson

Sólrík verönd með útsýni

Úr eldhúsinu er opið út á sólríka verönd sem er mikið notuð. Fallegt útsýni er af veröndinni og líka úr stofuglugga sem snýr í vestur út á Fossvoginn.

Eins og sjá má er hver hlutur á sínum stað og fegurðin í forgrunni þegar kemur að vali á húsgögnum, skrautmunum og listaverkum.