Leikarinn Andrew Garfield og töfralæknirinn Kate Tomas eru hætt saman eftir nokkurra mánaða samband. Fyrrverandi parið opinberaði samband sitt í mars þegar það sást ganga hönd í hönd í Malibu að loknum kvöldverði á franska veitingastaðnum Zinqué.

Töfralæknirinn staðfesti sambandsslitin í athugasemdakerfinu á Instagram nýverið og viðurkenndi þar að parið hefði hætt saman fyrir nokkru.

Frétt af mbl.is

Köngulóarmaðurinn heillaður af töfralækni

Tomas, sem er einnig atvinnunorn, greindi frá því í hlaðvarpsþætti sínum í sumar að hún hefði neyðst til að taka vinsæl tælinganámskeið sín úr sölu vegna ásakana um að hún hefði lagt álög á Hollywood-leikarann. Hún þvertók fyrir það.

Frétt af mbl.is

Þvertekur fyrir að hafa beitt göldrum

Garfield, best þekktur fyrir hlutverk sín í Spiderman, The Social Network og Tick, Tick... Boom!, hef­ur verið sér­lega vin­sæll meðal kven­pen­ings­ins síðustu ár og átt í ástarsamböndum við leikkonurnar Emmu Stone og Phoebe Dynevor sem og söngstjörnuna Ritu Ora.

Leikarinn hefur ekki tjáð sig um sambandsslitin.