Fær­ustu mat­reiðslu­menn lands­ins buðu til framúrskarandi matarupplifunnar á veit­ingastaðnum Ei­ríks­dottir í Grósku síðastliðna helgi.

„Við erum í skýjunum með kvöldið. Þetta tókst mjög vel í alla staði og góð stemning var í salnum. Maður kaupir ekki þessa matarupplifun út í búð, það er á hreinu,“ segir Friðgeir Ingi Eiríksson einn eig­anda veit­ingastaðar­ins Ei­ríks­dótt­ir og þeirra sem stóð að styrkt­ar­sam­kom­unni.

Bestu kokkar landsins saman komnir í eldhúsinu

„Þetta verður ekki flottara, að ná öllum þessum snillingum saman og halda þennan galakvöldverð er náttúrlega bara rosalegt. Hér var komið saman safn af bestu kokkum landsins í eldhúsinu á veitingastaðnum Eiríksdottir að elda keppnisréttina sína úr Bocuse d´Or. Það var boðið upp á frábær vín sem pöruðu voru saman með öllum þessum glæsilegu réttum sem voru framreiddir sem var punkturinn yfir i-ið,“ segir Friðgeir og bætir við að þetta verði framvegis árlegt hjá þeim en takmarkaður fjöldi kemst að eða 150 manns.

Inn­an teym­is­ins voru fyrr­ver­andi kepp­end­ur stærstu mat­reiðslu­keppni í heimi Bocuse d’Or sem verður hald­in næst í Lyon í Frakklandi í janú­ar á næsta ári.

Frétt af mbl.is

Færustu matreiðslumenn Íslands bjóða til glæsilegrar matarupplifunnar

Boðið var upp á sannkallaðan stjörnu­mat­seðil sem sjaldan hefur sést og mat­ar­gest­irnir höfðu orð á því að þetta hafi verið matarupplifun sem erfitt er að toppa. Mikið var um dýrðir og diskarnir var fagurlega skreytir með réttum sem fæstir hafa fengið að njóta.

Færustu kokkar landsins saman komnir, Jakob magnússon, Ólöf Jakobsdotti, Viktor Örn Andrésson, Sindri Guðbrandur, Friðgeir, Friðrik Sigurðsson, Sigurður Laufdal. Í aftari röð frá eru Óli glíma, Sigurjón Bragi Geirsson, Þráinn Freyr Vigfússon og Sigurður Helgasson. Ljósmynd/Lisa Nowinski

Til styrktar næstu Bocuse d’Or keppni

Veisl­an var ein­mitt haldin til styrkt­ar næstu Bocuse d’Or keppni þar sem Sindri Guðbrand­ur Sig­urðsson mat­reiðslumaður og Kokk­ur árs­ins 2023 mun keppa fyr­ir Íslands hönd.

Frétt af mbl.is

Mjög ánægður með árangurinn í Bocuse d'Or

Bocuse d’Or er allra virt­asta mat­reiðslu­keppni sem hald­in er í heim­in­um og verið hald­in síðan 1987 í Lyon Frakklandi, og kom­ast færri þjóðir að enn vilja. 24 þjóðir fá keppn­is­rétt eft­ir að hafa kom­ist í gegn úr for­keppni í sinni heims­álfu. Bocuse d’Or er kölluð hin eina sanna heims­meist­ara­keppni í mat­reiðslu.

Mikið var um dýrðir og Oliver Goði bauð gesti velkomna með smakki áður en borðhald hófst. Ljósmynd/Lisa Nowinski

Gleðin var í fyrirrúmi hjá gestum. Ljósmynd/Lisa Nowinski

Töfrarnir fóru fram í eldhúsinu. Ljósmynd/Lisa Nowinski

Réttirnir voru fagurlega bornir fram. Ljósmynd/Lisa Nowinski

Hvert smáatriðið skiptir máli þegar keppt er í matreiðslu og það fengu matargestir að upplifa þegar réttirnir voru bornar fram. Ljósmynd/Lisa Nowinski

Þráinn Freyr Vigfússon og Óli glíma á vaktinni. Ljósmynd/Lisa Nowinski

Sindri Guðbrandur Sigurðsson og aðstoðarmaður hans. Ljósmynd/Lisa Nowinski

Gestir nutu þess að láta dekra við sig í mat og drykk. Ljósmynd/Lisa Nowinski

Eftirréttirnir voru mikið augnakonfekt. Ljósmynd/Lisa Nowinski

Friðgeir Ingi Eiriksson passar vel upp á að skurðurinn sé réttur. Ljósmynd/Lisa Nowinski