Yfirgnæfandi meirihluti kennara í Menntaskólanum í Reykjavík (MR) hefur samþykkt að boða verkfall 11. nóvember næstkomandi, hafi samningar ekki náðst.
Yfirgnæfandi meirihluti kennara í Menntaskólanum í Reykjavík (MR) hefur samþykkt að boða verkfall 11. nóvember næstkomandi, hafi samningar ekki náðst.
Yfirgnæfandi meirihluti kennara í Menntaskólanum í Reykjavík (MR) hefur samþykkt að boða verkfall 11. nóvember næstkomandi, hafi samningar ekki náðst.
Þetta kemur fram í tilkynningu frá Kennarasambandinu.
81 prósent samþykktu að boða verkfall og MR er annar framhaldsskólinn sem boðar til verkfalls en Fjölbrautaskóli Suðurlands samþykkti verkfallsboðun í síðustu viku.
Þar með hafa félagsmenn Kennarasambandsins í tíu skólum samþykkt verkfallsaðgerðir í lok mánaðar og byrjun næsta mánaðar.
„Öll aðildarfélög Kennarasambandsins eru án kjarasamnings; framhaldsskólafélögin tvö, FF og FS, hafa verið án samnings síðan 31. mars síðastliðinn. Grunnskólafélögin tvö, FG og SÍ, leikskólafélögin tvö, FL og FSL, og Félag kennara og stjórnenda í tónlistarskólum hafa verið án samnings síðan 31. maí síðastliðinn,“ segir enn fremur í tilkynningunni.
Kjaradeilan er enn á borði ríkissáttasemjara.