Íslenska jazzsöngkonan Laufey Lín Jónsdóttir hannaði skartgripalínu í samstarfi við amerísku skartgripaverslunina Catbird. Í línunni eru sex mismunandi skartgripir, allt frá armböndum yfir í hringi, eyrnalokka og hálsmen. Laufey segir þetta vera skartgripi drauma sinna.

„Ég bjó þetta til fyrir þig og mig. Gullkanínur æsku minnar, slaufur, bláir tónar og hringir fyrir brotið hjarta og gleði. Líka eitt sérstakt hjarta fyrir Lauvers,“ skrifar hún á Instagram. „Lauvers“ er það orð sem hún á yfir aðdáendur sína.

„Hver gripur er búinn til með svo mikilli ást og er til í 100% endurunnu gulli og silfri.“ 

Vörur úr línunni eru á verðbilinu 6.600 krónum og yfir í 110.000 krónur. Þá er hringur með ljósfjólubláum steini sá dýrasti í línunni.

Hún hannaði línuna fyrir aðdáendur sína með minningum úr æsku. Hringurinn með ljósfjólubláasteininum er dýrasti gripurinn í línunni. Ljósmynd/Instagram

Falleg hálsmen. Ljósmynd/Instagram

Fallegur hringur með pastelfjólubláum steini. Ljósmynd/Instagram

Glæsilegir stjörnuhringir sem koma í gulli og silfri. Ljósmynd/Instagram

Krúttlegt hálsmen með kanínu og tungli.