Aukakjördæmisþing var haldið í Suðurkjördæmi á Teams fyrr í dag þar sem ákveðið var að fara í uppstillingu á lista fyrir komandi Alþingiskosningar.

Jafnframt var lögð fram tillaga Sigurðar Inga Jóhannssonar, núverandi oddvita og formanns flokksins, að hann sjálfur taki annað sæti listans en Halla Hrund Logadóttir, fyrrverandi orkumálastjóri og forsetaframbjóðandi, leiði listann í kjördæminu.

Frétt af mbl.is

Halla Hrund leiðir Framsókn: Sigurður Ingi í 2. sæti

Sigurður Ingi greindi frá nýrri sætaskipan á listanum í færslu á Facebook-síðu sinni í gær. Sagðist hann með þessu vera að leggja sjálfan sig undir.

Kjördæmisþing verður svo haldið næsta laugardag þar sem endanlegur listi Suðurkjördæmis verður samþykktur.