Bandaríska Óskarsverðlaunaleikkonan Jennifer Lawrence á von á barni með eiginmanni sínum, listaverkasalanum Cooke Maroney. Hjónin, sem giftu sig árið 2019, eiga fyrir hinn tveggja ára gamla Cy sem fæddist í febrúar 2022.

Kynningarfulltrúi Lawrence staðfesti gleðitíðindin í samtali við tískutímaritið Vogue eftir að það sást til leikkonunnar yfirgefa veitingastað í Los Angeles með ört stækkandi óléttukúlu.

Lawrence, 34 ára, hefur sjálf ekki tjáð sig opinberlega um óléttuna.

Leikkonan, sem hreppti Óskarsverðlaun fyrir leik sinn í kvikmyndinni Silver Linings Playbook árið 2012, reynir eftir bestu getu að halda einkalífi sínu frá sviðsljósinu og mætir gjarnan einsömul eða ásamt móður sinni á viðburði tengda Hollywood.

Frétt af mbl.is

Opinberaði nafn sonar síns