Breytt andlit bandarísku leikkonunnar Gabrielle Union vakti mikla athygli þegar hún mætti á Academy Museum Gala-viðburðinn í Los Angeles á laugardagskvöldið.

Veltu margir fyrir sér hvort leikkonan hefði fengið sér fyllingar í kinnarnar rétt fyrir viðburðinn eða hvort að andlitsförðun hennar hefði mislukkast svona allsvakalega, en Union, sem er vön að brosa sínu breiðasta á rauða dreglinum, var mjög alvarleg í fasi.

Miklar umræður fóru af stað á síðu Fashion Bomb Daily á Instagram og voru fjölmargir sem rituðu athugasemdir um andlit Union. Aðdáendur leikkonunnar voru flestallir sammála um að hún hefði eyðilagt náttúrulegt og unglegt útlit sitt með, það sem flestir telja vera, gelísprautun.

„Af hverju gerði hún þetta við andlitið á sér? Ég er miður mín,” skrifaði einn aðdáandi leikkonunnar við færsluna á Instagram.

Frétt af mbl.is

Kvaddi sumarið með eldheitri nektarmynd

Union, sem fagnar 52 ára afmæli sínu í lok þessa mánaðar, var þó stórglæsileg í fjólubláum síðkjól frá tískuhönnuðinum Elie Saab. Hún gekk niður rauða dregilinn ásamt eiginmanni sínum, fyrrverandi körfuknattleiksmanninum Dwayne Wade.