Við Hulduland í Fossvogi er að finna einstakt raðhús sem státar af góðu skipulagi og heillandi innréttingum. Húsið var reist 1968 og er 204 fm að stærð. 

Húsið hefur verið endurnýjað mikið. 

Góð samsetning

Í eldhúsinu, sem snýr í norður, er að finna hvítar sprautulakkaðar innréttingar í bland við eikar. Stór skápaveggur prýðir eldhúsið en svo eru neðri skápar í L sem framkallar ríkulegt borðpláss. Myndarlegt gashelluborð er í eldhúsinu og snýr eikin í innréttingunum lárétt sem er alltaf sérlega fallegt. 

Mikil birta

Húsið er á pöllum en á efsta pallinum er stór stofa með ennþá stærri gluggum sem hleypa suðursól inn í húsið. 

Heimilið er búið eigulegum húsgögnum sem parast vel saman. 

Sjá nánar á fasteignavef mbl.is: Hulduland 4

Teikningin á eldhúsinu er heillandi og það er alltaf góð hugmynd að hafa sófa í eldhúsinu.

Stórir gluggar prýða stofuna sem snýr í suður.

Ítalskir sófar sóma sér vel í stofunni.

Í stofunni er pláss fyrir borðstofuborð.

Garðurinn sem fylgir húsinu er vel hannaður og gróinn.