Broadway-stjarnan Sutton Foster hefur sótt um skilnað frá eiginmanni sínum, handritshöfundinum Ted Griffin, eftir tíu ára hjónaband. Foster lagði fram skilnaðarpappírana á þriðjudag.

Hávær orðrómur er á sveimi í Hollywood um að Foster sé þegar komin með nýjan mann upp á arminn, engan annan en ástralska sjarmörinn Hugh Jackman, en leikarinn skildi við eiginkonu sína, Deborru Lee-Furness, eftir 27 ára hjónaband síðastliðið haust.

Frétt af mbl.is

Hvort í sína áttina eftir 27 ára hjónaband

Foster og Jackman eru sögð hafa hrifist hvort af öðru þegar þau fóru með aðalhlutverk í söngleiknum The Music Man á Broadway fyrir örfáum árum og að þá hafi farið að hrikta í stoðum hjónabandanna.

„Þau eru 100% saman og yfir sig ástfangin. Þau vilja eyða restinni af lífi sínu saman,“ sagði ónefndur heimildamaður í samtali við Page Six. 

Frétt af mbl.is

Jackman á röltinu í New York eftir skilnaðarfréttir