Jódís Skúladóttir, þingmaður Vinstri grænna í Norðausturkjördæmi, ákvað að hætta á Alþingi á dögunum þegar hún upplifði að sér hefði verið hafnað af flokknum. Stuttu síðar var raðhús hennar í Reykjavík auglýst til sölu.

Um er að ræða 163 fm raðhús sem reist var 1955. Í kjallara hússins er aukaíbúð sem auðvelt er að leigja út. 

Húsið er fjölskylduvænt, með garði og nokkuð snyrtilegum innréttingum. Það er staðsett miðsvæðis í Reykjavík, stutt er út á stofnbrautir og í Skeifuna. 

Keypti 27 milljóna íbúð í heimabyggð 

Jódís festi kaup á húsinu í október 2022 en hún á líka aðra fasteign í Múlaþingi sem hún fjárfesti í 18. desember í fyrra. Um er að ræða 78,8 fm íbúð á fyrstu hæð við Sunnufell 5. Blokkin var reist 1973 og er Jódís með lögheimili þar. Fyrir íbúðina greiddi hún 27.000.000 kr. 

Ásett verð á raðhúsinu við Skeiðarvog er 111.900.000 kr. og er fasteignamat 97.000.000 kr. 

Sjá nánar á fasteignavef mbl.is: Skeiðarvogur 137