Um þrjú hundruð manns munu sinna löggæslu í tengslum við fjórða leiðtogafund Norðurlandaráðs og Úkraínu. Volodimír Selenskí Úkraínuforseti kemur til landsins af því tilefni. 

Frétt af mbl.is

Selenskí kemur til Íslands

Margir þeirra eru vopnaðir, sérstaklega þeir sem sinna öryggisgæslu.

Þetta segir Karl Steinar Valsson, yfirlögregluþjónn greiningarsviðs ríkislögreglustjóra, spurður út í viðbúnaðinn.

Karl Steinar Valsson. mbl.is/Eggert Jóhannesson

Frétt af mbl.is

Lokanir komnar upp og langflestir vopnaðir

Hann vill ekki gefa upp hvort Selenskí er kominn til landsins eða þá hvort hann lendir í Keflavík eða Reykjavík. Ákveðinn hópur fylgir Selenskí vegna öryggisgæslu en Karl Steinar gefur heldur ekki upp hversu margir eru í þeim hópi.

Frétt af mbl.is

Götulokanir og vopnuð lögregla í næstu viku

Spurður út í aðstoð erlendis frá vegna löggæslu í tengslum við leiðtogafundinn og komu Selenskís segir hann ákveðinn hóp á sérsviðum veita lögreglunni liðssinni. Spurður kveðst Jón Steinar ekki vilja tjá sig um hvort leyniskyttur séu þar á meðal.