Nýtt hættumat Veðurstofunnar vegna kvikusöfnunar í Svartsengi reiknar með auknum líkum á kvikuhlaupi og gæti jafnvel byrjað að gjósa á Reykjanesskaga í lok nóvember. 

Á vef Veðurstofu Íslands segir að matið sé háð þeim aflögunargögnum sem eru til staðar á hverjum tíma. Skyldi hraði landrissins í Svartsengi breytast, mun matið breytast í samræmi. 

Landris og kvikusöfnun hefur verið stöðug síðustu vikur og er jarðskjálftavirkni í kringum Sundhnúkagígaröðina áfram lítil. Nokkrir litlir skjálftar hafa mælst á dag. 

Hættumat Veðurstofunnar helst óbreytt frá því í síðustu viku. Nýtt hættumat tekur gildi 12. nóvember, að öllu óbreyttu.