Sigríður Margrét Oddsdóttir, framkvæmdastjóri Samtaka atvinnulífsins, segir þær kröfur sem hafa birst vegna kjaraviðræðna kennara við Samband íslenskra sveitarfélaga vera mikil vonbrigði.

Krafa Kenn­ara­sam­bands Íslands í viðræðunum er að kjör fé­lags­manna verði sam­bæri­leg við sér­fræðinga á al­menn­um markaði. Samband íslenskra sveitarfélaga áætlar að kennarar krefjist um 49% launahækkunar. 

Frétt af mbl.is

Verkföll vofa yfir: „Þvílíkur ómöguleiki“

Frétt af mbl.is

Kennarar vilja meira en milljón í laun

Kjarasátt raskist ekki

„Þessar kröfur sem hafa verið að birtast af hálfu forystu kennara undanfarið eru mikil vonbrigði,“ segir Sigríður Margrét, aðspurð.

Sigríður Margrét Oddsdóttir, framkvæmdastjóri Samtaka atvinnulífsins. mbl.is/Kristinn Magnússon

„Við vitum það að undirstaða opinbers reksturs er verðmætasköpun í atvinnulífinu og það er þess vegna mjög mikilvægt að almenni markaðurinn leiði launaþróunina og kjarasamningar opinberra starfsmanna raski ekki þeirri kjarasátt sem náðist fyrr á árinu,“ greinir hún einnig frá.

Frétt af mbl.is

Verkfall kennara hafið

Hún bætir við að tölurnar sem hafi verið nefndar varðandi launakröfur kennara séu í engu samhengi við það sem samið var um í almennu kjarasamningunum í byrjun ársins. Ekki sé í boði að víkja frá launastefnunni sem þar var samið um.

Verkfall eru hafin. mbl.is/Hari

Þarf að kostnaðarmeta

Sigríður Margrét nefnir að almennur vinnumarkaður sé í mikilli samkeppni við hið opinbera um starfsfólk og að réttindi opinbers starfsfólks hafi sitt að segja í samanburðinum. Þar sé minni vinnuskylda og meira orlof, meiri veikindaréttur og aukið starfsöryggi, ásamt ríkari uppsagnavernd.  

„Þegar við erum að bera saman launakjör á milli markaða þá verður að kostnaðarmeta þessa þætti,“ segir hún.