Hinn þjóðþekkti sjónvarpsmaður, Jón Ársæll Þórðarson, fagnaði útgáfu bókarinnar Ég átti að heita Bjólfur.

Bókin er gefin út af Sölku forlagi en í henni segir Jón Ársæll sögur úr æsku sinni og rifjar upp horfinn heim á bæði kíminn og persónulegan hátt. 

„Jón Ársæll segir frá þekktu fólki sem setti mark sitt á samtímann, fólki til sjávar og sveita sem og þeim sem hafa tveggja heima sýn.“

Margt var um manninn í útgáfuteitinu sem haldið var í húsakynnum Sölku við Hverfisgötu. Gestir voru glæsilegir og Vala Matt sjónvarpsstjarna ungleg sem aldrei fyrr.