Ríkissaksóknari metur lögreglustjórann á Suðurnesjum hæfan til þess að fara með rannsókn á banaslysi er varð í Grindavík 10. janúar þegar Lúðvík Pétursson lést í vinnuslysi. 

Þetta varð niðurstaða ríkissaksóknara eftir að honum barst erindi tveggja lögmanna þar sem hæfi lögreglustjórans er dregið í efa.  

Frétt af mbl.is

Kanna vanhæfi lögreglustjórans vegna banaslyss

„Eftir að hafa kynnt sér atvik málsins, einkum út frá rannsóknargögnum sem þegar liggja fyrir, og með hliðsjón af hlutverki lögreglustjórans og ríkislögreglustjóra samkvæmt almannavarnarlögum, telur ríkissaksóknari lögreglustjórann á Suðurnesjum ekki skorta hæfi til rannsóknar málsins,“ segir í niðurstöðu ríkissaksóknara.