Sameinuðu þjóðirnar segjast vera þungt hugsi yfir ofbeldisverkum í Amsterdam í kringum fótboltaleik Ajax og ísraelska liðsins Maccabi Tel-Aviv.

Frétt af mbl.is

Fimm á sjúkrahús og 62 handteknir í Amsterdam

Forsætisráðherrar Ísraels og Hollands segja að ráðist hafi verið á stuðningsmenn Maccabi vegna gyðingaandúðar.

Frétt af mbl.is

Fordæma árásir á ísraelska áhangendur

„Við höfum séð þessar fregnir sem valda okkur miklum áhyggjum,“ sagði Jeremy Laurence, talsmaður mannréttindaskrifstofu Sameinuðu þjóðanna.

Stuðningsmenn Maccabi Tel Aviv fyrir leikinn. AFP/Jeroen Jumelet

„Enginn, enginn á að vera beittur misrétti eða ofbeldi vegna þjóðernis síns, trúarbragða, kynþáttar eða einhvers annars. Við höfum heyrt að yfirvöld ætli að hefja rannsókn á þessu atviki,“ bætti hann við. 

Vernduðu ísraelska stuðningsmenn 

Embættismenn í Amsterdam höfðu þetta að segja um það sem gerðist:

„Á þó nokkrum stöðum í borginni var ráðist á stuðningsmenn, þeir beittir ofbeldi og skotið á þá með flugeldum. Óeirðalögreglan varð að grípa inn í þó nokkrum sinnum, vernda stuðningsmenn Ísraela og fylgja þeim á hótel.“

Þegar stuðningsmenn beggja liða söfnuðust saman fyrir leikinn í gærkvöldi sagðist lögreglan vera á varðbergi og fylgjast með atvikum, þar á meðal þegar palestínskir fánar voru rifnir niður af byggingu.