Karoline Leavitt verður talskona Hvíta hússins þegar Donald Trump tekur við embætti forseta Bandaríkjanna á ný. Trump tilkynnti um þetta í gær.

Leavitt er 27 ára. Hún var talskona forsetaframboðs Trumps í kosningabaráttunni. Þá starfaði hún sem aðstoðarblaðafulltrúi Trumps á fyrsta kjörtímabili hans í Hvíta húsinu.

Árið 2022 sóttist Leavitt eftir sæti í fulltrúadeild Bandaríkjaþings fyrir New Hampshire-ríki, en hafði ekki erindi sem erfiði.

Þá hefur hún einnig starfað sem samskiptastjóri fyrir þingkonuna Elise Stefanik, sem Trump hefur tilnefnt sem sendiherra Sameinuðu þjóðanna.

Frétt af mbl.is

Trump skipar Homan og Stefanik