Jólakryddaður lambabógur borinn fram með sósu, ristuðum maís og ofnbökuðu smælki

Jólakryddaður lambabógur

• 1 stk. lambabógur
• 2 msk. matarolía
• salt og pipar eftir smekk
• 1 kanilstöng
• 4 negulnaglar
• 1 msk. reykt paprikuduft
• 2 kvistar ferskt timían
• 1,5 l vatn
• 1 l lambaseyði frá Bone & Marrow
• 1 stk. hvítlauksgeiri
• 1 msk. púðursykur
• 1 stk. laukur
• 5 stk. sveppir

Aðferð:

1. Stillið ofninn á 90°C.
2. Nuddið bóginn með salti og brúnið á vel heitri pönnu með olíunni á háum hita í 3-5 mínútur á hvorri hlið.
3. Setjið bóginn í djúpa ofnskúffu og með restinni af því sem fram kemur í uppskriftinni, breiðið yfir með álpappír og eldið í 5 klukkustundir.

Ristaður maís

• 4 stk. foreldaðir maísstönglar
• 100 g smjör
• 50 ml olía
• íslenskt sjávarsalt eftir smekk

Aðferð:

1. Penslið maís stöngla með olíunni og stráið salti yfir.
2. Grillið eða steikið á pönnu vel á öllum hliðum áður en þeir er smurðir með smjörinu.

Sósa

• Steikingarsafi/soð
• 50 g kalt smjör

Aðferð:

1. Sigtið safann úr ofnskúffunni í pott þegar lambakjötið hefur verið eldað, haldið kjötinu heitu.
2. Fleytið megnið af fitunni af og látið látið vökvann sjóða niður um helming.
3. Takið pottinn af eldavélinni og pískið smjör saman við í litlum bitum og bragbætið með salti og pipar eftir smekk.

Ofnbakað smælki með sýrðum rjóma

• 300 g kartöflusmælki
• 2 hvítlauksgeirar
• 50 g ólífuolía
• íslenskt sjávarsalt
• 100 ml sýrður rjómi
• 10 ml sítrónusafi
• 1 tsk. hunang

Aðferð:

1. Hitið ofn í 190°C.
2. Sjóðið kartöflur þar til eru mjúkar, sigtið vatnið frá og setjið í ofnskúffu.
3. Bætið við olíu, hvítlauk og salti eftir smekk.
4. Bakið í 25 mínútur.
5. Blandið sýrða rjómanum, sítrónusafanum og hunanginu saman í skál og bragbætið með salti eftir smekk.
6. Veltið kartöflunum uppúr blöndunni og berið fram.