Jón K. B. Sigfússon matreiðslumeistari til margra áratuga á heiður­inn af vikumat­seðlin­um að þessu sinni. Hann hefur komið víða við í gegnum tíðina. Hann hefur starfað á stórum og smáum veitingastöðum á höfuðborgarsvæðinu og á landsbyggðinni en tengir sig við Friðheima í Bláskógabyggð sem er hans heimabyggð. Þar hefur hann starfað frá því aðmóttaka ferðamanna hófst samhliða veitingaþjónustu.

Forréttindi að starfa með fólki sem kemur alls staðar að úr heiminum

Nú er hann aðeins farinn að hægja á og stundar ekki daglega vinnu í eldhúsi en er alltaf með hugann við mat og þá sérstaklega matinn á Friðheimum þar sem hjartað slær. 

„Það hafa verið forréttindi að starfa hér með fólki sem kemur alls staðar að úr heiminum og að taka á móti áhugasömum gestum jafnt innlendum sem erlendum. Aðaláhugamál minnt er matur í víðu samhengi. Matur tengist menningu sterkum böndum. Það er mjög gaman að stúdera mat út frá ýmsum hliðum. Matvælaframleiðsla, hráefni og aðferðir við matreiðslu eru mismunandi eftir heimshlutum, löndum og landsvæðum. Það er í raun gaman að setja upp mismunandi gleraugu og skoða mat út frá menningu, sögu, þjóðfræði, landafræði, mismunandi bragði, smekk og svo framvegis,“ segir Jón sposkur á svip.

Tek alltaf ferska íslenska vöru fram yfir innfluttar

„Ef stuðst er við erlendar uppskriftir í matreiðslu er yfirleitt auðvelt að skipta út hráefni og nýta frekar ferskt íslenskt hráefni úr nærumhverfi.Til dæmis má þar nefna ferskar kryddjurtir og grænmeti sem ræktað er á Íslandi allt árið. Persónulega tek ég alltaf ferska íslenska vöru fram yfir innfluttar vörur, í því samhengi má nefna niðursoðna tómata og sitthvað fleira. Einnig er nauðsynlegt að taka mið af árstíðabundnu framboði af hráefni. Íslensk matvælaframleiðsla er í hæsta gæðaflokki í heiminum og við þurfum að styðja við bakið á henni,“ segir Jón ennfremur.

„Þegar kom að því að velja uppskriftir Matarvef mbl.is vandaðist málið. Þar er mikið úrval af girnilegum frábærum réttum, ég á hins vegar mjög erfitt með að fara eftir nákvæmum uppskriftum og í raun veit ég ekki alltaf hvernig vegferðin endar þegar ég legg af stað í eldhúsinu,“ segir Jón og hlær.

Hann tók þó saman uppskriftir af Matarvefnum og útbjó sinn draumavikumatseðil fyrir lesendur.

„Mánudagur – Plokkfiskbaka Laugalækjar

„Plokkfiskur er viðeigandi á mánudegi.“

Frétt af mbl.is

Plokkfiskbaka Laugalækjar

Þriðjudagur – Ostafylltar kjúklingabringur í rjómalegi

„Girnilegar kjúklingabringur sem bragð er af gleðja ávallt.“

Frétt af mbl.is

Ostafylltar kjúklingabringur í rjómalegi

Miðvikudagur – Ítalskar kjötbollur með mozzarella-fyllingu

„Ég er hrifinn af bragðmiklum og góðum kjötbollum með ítölsku ívafi. Ég myndi samt nota Friðheima pastasósu í stað marinera sósunnar.“

Frétt af mbl.is

Alvöru ítalskar kjötbollur með mozzarella-fyllingu

Fimmtudagur – Ljúffengur þorskhnakki

„Mér finnst mjög gott að borða fisk nokkru sinnum í viku og sérstaklega gaman að leika sér með bragð og áferð.“

Frétt af mbl.is

Þorskhnakki sem fær hjartað til að slá örar (af gleði)

Föstudagur – Grillaður kjúklingur með fennel og sítrónu

„Ekta föstudagsmatur sem gleður bragðlaukana.“

Frétt af mbl.is

Grillaður kjúklingur með fennel og sítrónu

Laugardagur – Fiskipanna með sveppum og karrí

„Fiskur er ávallt vinsæll hjá mér og mínum og herramanns matur á laugardagskvöldi.“

Frétt af mbl.is

Fiskipanna með sveppum og karríi

Sunnudagur – Súkkulaðilæri með vanillu og möndlum

„Læri er góður sunnudagsmatur og hér er lag að fara alveg nýja leið með lærið.“

Frétt af mbl.is

Súkkulaðilæri með vanillu og möndlum