/frimg/1/52/80/1528075.jpg)
Uppskriftir | 21. nóvember 2024
Brauðterta brjálaða barþjónsins
Nú fer að styttast í Alþingiskosningar og þá verður boðið upp á kosningakaffi víða um land allt. Það má gera ráð fyrir því að brauðtertur muni prýða veisluborðin og því er lag að birta hér eina uppskrift af ljúffengri brauðtertu sem ber heitið Brauðterta brjálað barþjónsins. Uppskriftina er að finna í Stóru brauðtertubókinni sem kom út á dögunum. Þetta er þriðja uppskriftin sem birt er á Matarvefnum upp úr bókinni.
Brauðterta brjálaða barþjónsins
Uppskriftir | 21. nóvember 2024
Setja bókamerki
Nú fer að styttast í Alþingiskosningar og þá verður boðið upp á kosningakaffi víða um land allt. Það má gera ráð fyrir því að brauðtertur muni prýða veisluborðin og því er lag að birta hér eina uppskrift af ljúffengri brauðtertu sem ber heitið Brauðterta brjálað barþjónsins. Uppskriftina er að finna í Stóru brauðtertubókinni sem kom út á dögunum. Þetta er þriðja uppskriftin sem birt er á Matarvefnum upp úr bókinni.
Nú fer að styttast í Alþingiskosningar og þá verður boðið upp á kosningakaffi víða um land allt. Það má gera ráð fyrir því að brauðtertur muni prýða veisluborðin og því er lag að birta hér eina uppskrift af ljúffengri brauðtertu sem ber heitið Brauðterta brjálað barþjónsins. Uppskriftina er að finna í Stóru brauðtertubókinni sem kom út á dögunum. Þetta er þriðja uppskriftin sem birt er á Matarvefnum upp úr bókinni.
Í bókinni er fjöldi uppskrifta að bæði sígildum brauðtertum og öðrum frumlegri. Fallegar myndir Karls Petersson matarljósmyndara prýða bókina og fá munnvatnið til að flæða. Auk Karls og Önnu Margrétar voru í teyminu Erla Hlynsdóttir blaðamaður, Friðrik V. Hraunfjörð matreiðslumeistari, Helga Gerður Magnúsdóttir grafískur hönnuður og Tómas Hermannsson, bókaútgefandi hjá Sögum.
Brauðterta brjálaða barþjónsins
Fyrir 8-10
- 5 sneiðar langskorið brauðtertubrauð
- 400 g birkireyktur silungur / þar af um 100 g fyrir skraut
- 3 harðsoðin egg
- 3 dl sýrður rjómi 36%
- 2 dl majónes
- 2-3 sítrónur / safi og börkur í fyllingu og sneiðar fyrir skraut
- 2 msk dill
- 2 msk vorlaukur
- pipar
- arómat
Hugmynd að skreytingu
- silungahrogn
- lárpera
- alfaspírur
- ásamt birkireyktum silungi og sítrónusneiðum
Aðferð:
- Hrærið saman sýrðan rjóma og majónes.
- Smakkið til með sítrónusafa og rifnum sítrónuberki.
- Takið frá um helminginn af blöndunni til að smyrja utan á tertuna og um fjórðung af silungnum til að skreyta með ef vill.
- Saxið dillið og vorlaukinn smátt og bætið út í blönduna fyrir fyllinguna.
- Saxið silunginn í fyllinguna í hæfilega bita og bætið einnig út í blönduna.
- Skerið eggin niður í fíngerða bita og bætið þeim út í. Smakkið til með pipar og arómati.
- Skerið skorpurnar af brauðsneiðunum.
- Leggið fyrstu brauðlengjuna á bretti eða bakka og smyrjið um fjórðungi af fyllingunni yfir. Leggið næstu brauðlengju þar yfir, þá fyllingu og þannig koll af kolli uns fimmta brauðlengjan er sett efst.
- Gott er að geyma tertuna í ísskáp yfir nótt og skreyta næsta dag.
- Smyrjið majónesblöndunni sem tekin var til hliðar yfir tertuna.
- Skreytið eftir smekk eða í stíl brjálaða barþjónsins eins og hér er gert.
