Antonio Guterres, framkvæmdastjóri Sameinuðu þjóðanna, kveðst áhyggjufullur yfir vendingum í innrásarstríði Rússa í Úkraínu. Rússneski herinn hóf í dag að beita meðaldrægum eldflaugum gegn Úkraínu.

„Þetta er enn önnur varhugaverð vending sem vert er að hafa áhyggjur af. Þetta virðist allt vera að stefna í ranga átt,“ sagði Stephane Dujarric, talsmaður Guterres.

Kallaði hún jafnframt eftir því að allir hlutaðeigandi ynnu að því að draga úr spennu.

Frétt af mbl.is

Hótar Bretum og Bandaríkjamönnum

Hótaði að beita sömu eldflaugum

Rússar skutu í morgun meðaldrægri eldflaug að borginni Dnípró í Úkraínu til að hæfa þar mikilvæga innviði.

Vladimír Pútín Rússlandsforseti hótaði síðar í dag að beita sömu eldflaugum gegn þeim ríkjum sem hafa heimilað Úkraínuher að skjóta langdrægum eldflaugum á rússneska grundu, sem eru Bretland og Bandaríkin.