Bacco Pasta er nýr ítalskur pop-up veitingastaður þar verður boðið upp á ekta ítalska matargerð, ferskt pasta, sem búið er til daglega, súrdeigspítsur og smáréttir eins og antipasti. Staðurinn mun opna opinberlega nú um helgina, 23. nóvember næstkomandi og er staðsettur í Smáralind á annarri hæð.

Maðurinn á bak við Bacco Pasta er Ítalinn Cornel Popa.

Hann var yfirkokkur á veitingastaðnum Nebraska og auk þess hefur hann verið að gera frábæra hluti með matarvagnanna La Cucina og Little Italy síðustu misseri.

Staðurinn mun opna um helgina í Smáralind. mbl.is/Karítas

Blandar saman ítalskri og norræni matargerð

Bacco Pasta er tilrauna verkefni Cornels en þar mun hann blanda saman ítölsku rótum sínum við norræna matargerð og ástríðu hans við götumat þar sem hugmyndafræðin er fljótt, einfalt og þægilegt ræður ríkjum.

Staðurinn er innréttaður á fallegan og stílhreinan hátt. Skemmtilegar myndir prýða veggina sem allar eru teknar í heimabæ Cornels, Carpino, sem er á Suður-Ítalíu í Puglia-héraðinu.

Boðið verður upp á ítalska rétti sem eiga sér sögu frá héraðinu hans Cornels. Ljósmynd/Aðsend

Allt pasta er gert á staðnum. Ljósmynd/Aðsend

Girnilegt pasta. Ljósmynd/Aðsend

Ítalskt súrdeigsbrauð. Ljósmynd/Aðsend

Allt handgert. Ljósmynd/Aðsend

Burrata osturinn verður í boði. Ljósmynd/Aðsend