Íslenska tónlistarkonan Laufey Lín Bing Jónsdóttir var stórglæsileg á rauða dreglinum á frumsýningu tónleikamyndarinnar Laufey's A Night At The Symphony: Hollywood Bowl í Los Angeles á þriðjudagskvöldið. 

Laufey klæddist afar fallegum kjól frá franska tískuhúsinu Chloé og leyfði náttúrulegri fegurð sinni að skína. 

Tónlistarkonan deildi myndum frá frumsýningarkvöldinu á Instagram-síðu sinni í gærdag og birti meðal annars mynd af sér ásamt leikstjóra myndarinnar, Emmy-verðlaunahafanum Sam Wrench. 

Frétt af mbl.is

Laufey mætir á hvíta tjaldið

Tónleikar Laufeyjar Línar sem haldnir voru í Hollywood Bowl í byrjun ágústmánaðar verða sýndir í útvöldum kvikmyndahúsum, þar á meðal Bíó Paradís, frá og með 6. desember næstkomandi. Tónlistarkonan steig á svið ásamt Sinfóníuhljómsveitinni í Los Angeles og lék fyrir þúsundir manna.