Runólfur Þórhallsson, settur sviðsstjóri almannavarna, segir litlar líkur á því að hraunið nái að mannvirkjum við Bláa lónið en þó alltaf einhverjar.

Allt bíla­plan Bláa lóns­ins er nú komið und­ir hraun. 

„Það er auðvitað alltaf einhver möguleiki á því að eitthvað nái að fara þarna yfir varnargarða en við metum svo sem ekki miklar líkur á því. En það getur gerst.“

Frétt af mbl.is

Allt bílaplanið komið undir hraun

Hröð framþróun hraunflæðis

Hann segir verktaka nú vinna hratt og örugglega að því að loka fyrir gat í varnargarðinum sem var opið fyrir umferð til að komast inn og út.

Vinnuvélar og efni hafi þó ávallt staðið til reiðu til að loka gatinu með skömmum fyrirvara í aðstæðum sem þessum.

„Síðan er bara að fylgjast með þessari framþróun. Þetta voru aðstæður sem sköpuðust þarna sem virðast hafa hraðað framþróun hraunflæðisins, en í sjálfu sér er lítið annað að gera en að treysta á að verktakarnir nái að loka fyrir gatið við Bláa lónið.“