Vonir standa til að Rockville-borholan á Reykjanesi verði tekin til notkunar í ársbyrjun í janúar en upphaflega stóðu vonir til að hún yrði komin í notkun í lok desember.

Er það vegna seinkunar í afhendingu á sértækum búnaði sem ekki næst að taka borholuna í notkun fyrr en á nýja árinu.

Þegar svokölluð Njarðvíkurlögn frá Svartsengi fór í sundur í febrúar á þessu ári raungerðist sú erfiða staða að Suðurnesin voru heitavatnslaus.

Tryggja neyðarhitaveitu á svæðinu

Undirbúningsvinna er þó í fullum gangi og er þegar búið að setja upp spennistöð fyrir rafmagn við borstæðið, gufukatlar sem leigðir voru eru á leið til landsins og unnið er að lagningu stofnlagna. Þá er gert ráð fyrir að álagsprófunum verði lokið um áramótin.

Þetta kom fram í minnisblaði sem Guðlaugur Þór Þórðarson, umhverfis-, orku- og loftslagsráðherra lagði fyrir ríkisstjórn í morgun.

Í kjölfarið tóku stjórnvöld forystu um leit að heitu vatni á Reykjanesi. Lagður var til 1 milljarður kr. í jarðhitaleit á Suðurnesjum til að tryggja neyðarhitaveitu á svæðinu.

Frétt af mbl.is

Skoða hvort Hvalur 8 og 9 geti hitað upp Suðurnes

Halda veitukerfi HS Orku frostfríu.

Með Rockville borholunni til forhitunar og einni varmaskiptistöð, sem kynnt er með olíuknúnum gufukötlum, áætla sérfræðingar Verkís að hægt verði að framleiða samtals um 50 l/sek. af 80-85°C heitu vatni, sem nægir til að halda veitukerfi HS Orku frostfríu.

Um 150-200 l/sek. af 80-85°C heitu vatni þarf hins vegar til að halda húsnæði á Suðurnesjum frostfríu, og er nú unnið að undirbúningi þess að leigja fleiri gufukatla svo hægt sé að bregðast við, komi sú staða upp aftur að virkjunarinnar í Svartsengi njóti ekki við.