Leik­kon­an Al­dís Amah Hamilt­on fer ekki leynt með það hver á af­mæli í dag. Sam­býl­ismaður henn­ar, leik­ar­inn Kol­beinn Arn­björns­son, fagn­ar 41 árs afmæli sínu í dag og birti leik­kon­an langa færslu á In­sta­gram-síðu sinni í morgunsárið til heiðurs af­mæl­is­barn­inu.

Al­dís Amah og Kol­beinn kynnt­ust við tök­ur á spennuþáttunum Svört­um sönd­um sem sýnd­ir hafa verið á Stöð 2 við miklar vinsældir.

Frétt af mbl.is

Aldís Amah með hlutverk í Hallmark-jólamynd

„Jiii hvað haldiði?!

Kolbeinn á afmæli í dag, 22. nóvember.

Ég fæ að fagna afmælinu hans með honum í 4ja sinn og það eru stórkostleg forréttindi! Að venju erum við ekki heima hjá okkur heldur á ferð og flugi. Lognmollur eru ekki góðkunningjar okkar… En hver einasti hóll og hver einasta hæð er örlítið auðveldara að klífa með honum.

Ég óska öllum eins Kolla í lífið. Það er eins og að fá örlítið helíum á morgnana. Skrefin eru bara aðeins léttari.

Myndasyrpa yfir árið - frá seinustu viku þegar við fórum örugglega með lungnabólgu á djammið og aftur til fyrstu myndarinnar eftir seinasta afmæli.

Áður en ég fæ spurningar þá já, þetta er Kolbeinn að pissa upp í vindinn á hálendinu. Því þannig maður er hann. Maður sem pissar harðneskjulega framan í vindinn - við gætum fleiri tekið hann til fyrirmyndar.

Til hamingju með daginn ástin mín eina og takk fyrir að nenna þessum litla durgi,“ skrifaði Aldís Amah við skemmtilega myndaseríu af parinu.