Sólveig Anna Jónsdóttir formaður Eflingar segir að afstaða stjórnar Eflingar til kjarabaráttu kennara og launakrafna þeirra sé ekki jákvæð og hún hefur ýmislegt að segja um bæði launakröfur og aðferðafræði verkfallsins.

Frétt af mbl.is

Viðræður í Karphúsinu ganga misvel

Í fyrradag sagði Ástráður Haraldsson ríkissáttasemjari að kjaraviðræður KÍ og ríkis og sveitarfélaga væru á algjöru frumstigi, en þá höfðu 17 dagar liðið frá síðasta formlega samningafundi. Verkfall hófst í níu skólum 29. október, í fjórum leikskólum, þremur grunnskólum, einum framhaldsskóla og einum tónlistarskóla. Á mánudaginn bættist einn framhaldsskóli við og næsta mánudag munu þrír grunnskólar bætast við ef ekki næst saman.

Allir þurfa að leggjast á eitt

„Við í Eflingu, ásamt félögum okkar í breiðfylkingunni, lögðum mikið á okkur síðastliðinn vetur til að ná kjarasamningum sem snerust fyrst og fremst um það að stíga markviss skref til að ná niður vöxtum og verðbólgu,“ segir Sólveig Anna og bætir við að í tengslum við þessa kjarasamninga hafi ríkið komið á móti með vissar aðgerðir sem nýtast öllum sem búa í landinu, eins og ókeypis skólamáltíðir, auknar leigubætur og aukið fé í fæðingarorlof, svo eitthvað sé nefnt.

Lesa má meira um málið í Morgunblaðinu í dag.