Alma Möller mætti í oddvitaviðtöl framboða í Suðvesturkjördæmi fyrir mbl.is á dögunum klædd vínrauðri dragt og ljósri blússu. Litavalið er góð tilbreyting frá svarta og dökkbláa litnum sem er ráðandi í þessum klæðnaði. Klæðnaður Ölmu vakti mikla athygli í heimsfaraldrinum og gefur hún ekkert eftir nú þegar hún er komin í pólitík.

Alma Möller í Smartlandsblaðinu sem kom út fyrr í haust. mbl.is/Eggert

Frétt af mbl.is

Þetta er litur vetrarins

Dragtin er frá sænska merkinu Filippu K. Merkið var stofnað í Stokkhólmi árið 1993 af Filippu Knutsson og er þekktast fyrir skandínavíska minimalismann. Þá vildi hún framleiða vel sniðinn og vandaðan klæðnað til hversdagsnotkunar. 

Það hefur tekist vel og eru dragtirnar frá merkinu sérstaklega þekktar fyrir að vera vandaðar. Hún notar sömu sniðin ár eftir ár og eru dragtirnar til í nokkrum útfærslum. Filippa K fæst í EVU á Laugavegi og í GK Reykjavík hér á landi. 

Frétt af mbl.is

Heiðarleg tilraun til að stela stíl Ölmu Möller

Þessi litur fæst ekki hér á landi. Dragtin fæst þó í svörtu í Evu á Laugavegi. Jakkinn kostar 64.995 kr. og buxurnar 44.995 kr. Bæði jakkinn og buxurnar eru úr 98% merino-ull á móti 2% af teygju. 

Dragtin frá Filippu K er klassísk og vel sniðin.

Flottar dragtarbuxur sem hægt er að nota við mörg tilefni.