Nýtt rafmagnsmastur verður reist innan varnargarðsins við Svartsengi og mun það hækka leiðarana um 12-14 metra.

Þetta kemur fram í tilkynningu Landsnets á Facebook. 

Segir þar að hraunrennsli hafi minnkað verulega í dag en að enn sé rennsli til vesturs á þeim stað sem línan fór í sundur, en Svartsengislína 1 fór úr rekstri er hraun rann undir línuna á fimmtudag. 

Frétt af mbl.is

Viðgerðir munu taka nokkra daga

Þá hefur þykkt hraunsins á bilanastað aukist um rúma 8 metra frá því í vor. 

Vinna við undirbúning mastursins fer strax í gang og segir í tilkynningunni að efni komi á staðinn á morgun. 

Frétt af mbl.is

Vinna að því að verja rafmagnsmöstur við Svartsengi

Þá er stefnt að því að koma línunni í rekstur eins fljótt og hægt er. 

„Við fylgjumst vel með þróun mála, hraunflæði og öryggi á staðnum og munum uppfæra tímalínu viðgerðarinnar eftir þörfum.“

Er þetta þó allt því háð að það dragi úr eldgosinu eða að það stöðvist alveg. 

Frétt af mbl.is

Tókst að stöðva rennslið við rafmagnsmastrið