Það er orðið mjög jólalegt um að litast á höfuðborgarsvæðinu, jólaseríur komnar í glugga, jólalög byrjuð að hljóma í útvarpinu og ilmur af greni í loftinu, enda aðeins 28 dagar til jóla.

Starfsmenn taugalækninga- og smitsjúkdómadeilda Landspítalans eru komnir í mikið jólaskap og hafa unnið hörðum höndum við að skreyta spítalaganga deildanna og koma þeim í sannkallaðan jólabúning.

Á deildunum er búið að koma fyrir jólatrjám, auk þess sem skreytt hefur verið hátt og lágt, til að koma fólki í jólaskap.

Helga Margrét Gísladóttir, hjúkrunarfræðingur á smitsjúkdómadeild, og Ryan Corcuera, hjúkrunarfræðingur á taugalækningadeild, deildu bæði skemmtilegum myndskeiðum á TikTok sem sýna jólaandann sem nú svífur yfir vötnum á spítalanum.

Frétt af mbl.is

Hjúkrunarfræðingur á Landspítalanum vinsæll á TikTok