Við Hjálmholt í Reykjavík er að finna einstaka hæð sem iðar af fegurð og þokka. Um er að ræða 162 fm sér­hæð sem er í húsi sem reist var 1962.

Haukur Tómasson tónskáld, sem hlaut tónlistarverðlaun Norðurlandaráðs 2004, er eigandi íbúðarinnar ásamt Ragnheiði Elísdóttur barnalækni.

Heimili hjónanna er fallega innréttað með vönduðum húsgögnum með sögu. Það er að sjálfsögðu flygill í stofunni og er mikið lagt upp úr góðum hljómgæðum. Í stofunni eru falleg listaverk á veggjum og klassísk hönnun sést víða.

Í stofunni er arinn sem notalegt er að kveikja upp í og eru stórir gluggar í sama rými sem er í anda þess móðs sem var ríkjandi þegar húsið var reist í kringum 1962.

Sjá nánar á fasteignavef mbl.is: Hjálmholt 7