Í síðustu viku var kvikmyndin Hygge! frumsýnd fyrir fullum sal í Bíó Paradís. Framleiðandinn Sigurjón Sighvatsson var á staðnum til að fagna með aðstandendum myndarinnar og var reffilegur með gleraugu með ögn lituðu gleri.

Eftir frumsýninguna var boðið upp á svokallaða kvöldstund þar sem leikstjóri myndarinnar, Dagur Kári Pétursson, sat fyrir svörum áhorfenda og sá Sigríður Pétursdóttir kvikmyndafræðingur um að stýra umræðum. 

Dagur Kári hefur áður leikstýrt þekktum kvikmyndum á borð við Nóa Albinóa (2003), The Good Heart (2009) og Fúsa (2015).

Hygge!, sem er í anda ítölsku kvikmyndarinnar Perfetti Sconosciuti, hefur slegið í gegn í dönskum kvikmyndahúsum og hafa vel yfir 180.000 manns séð myndina þar í landi.

Íslendingar hafa nú tækifæri til að bera myndina augum því hún er loksins komin í bíó og verður í sýningu í Bíó Paradís næstu vikurnar.

Bragi Þór Hinriksson leikstjóri og Helga Arnardóttir fjölmiðlakona. Ljósmynd/Patrik Ontkovic

Arnar Jónsson leikari og Þórhildur Þorleifsdóttir leikstjóri. Ljósmynd/Patrik Ontkovic

Fullur salur af gestum sem bíða þess með eftirvæntingu að myndin byrji. Ljósmynd/Patrik Ontkovic

Kvöldstund með Degi Kára leikstjóra og Sigríði Pétursdóttur kvikmyndafræðingi. Ljósmynd/Patrik Ontkovic

Daði Guðbjartsson listmálari, Soffía Þorsteinsdóttir leikskólastjóri og Gestur Ólafsson, arkitekt og skipulagsfræðingur. Ljósmynd/Patrik Ontkovic

Sigurjón Sighvatsson stendur við frumsýningarsalinn, ásamt gestum. Ljósmynd/Patrik Ontkovic

Guðrún Jóhannesdóttir leikstjóri og Ragnar Bragason leikstjóri, ásamt sonum Ragnars, Bjarti Elí og Alvin Huga. Ljósmynd/Patrik Ontkovic

Guðrún Sóley Gestsdóttir fjölmiðlakona lét sig ekki vanta og verslar hér góðgæti til að hafa með myndinni. Ljósmynd/Patrik Ontkovic

Hrönn Sveinsdóttir spjallar við gesti fyrir frumsýninguna. Ljósmynd/Patrik Ontkovic

Anton Máni kvikmyndagerðarmaður og Bryndís Helgadóttir leikkona. Ljósmynd/Patrik Ontkovic