Áhrifavaldurinn Sunneva Eir Einarsdóttir stendur í því núna að endurnýja fataskápinn og er að selja af sér föt. Þetta tilkynnir hún fylgjendum sínum á Tiktok með stuttu myndskeiði. Þar sést hún raða á fataslá partíkjólum og buxum sem gætu hentað vel yfir hátíðarnar.

Það hefur færst mjög í aukana að selja af sér fötin eða kaupa sér notuð föt en það er bæði hagstæðara og ýtir undir endurnýtingu fatnaðar. Hjá Sunnevu má meðal annars sjá skærgrænar buxur frá Hildi Yeoman og satínkjóla sem skilja lítið eftir fyrir ímyndunaraflið.

Sunneva Eir hefur verið vinsæl á meðal yngri kynslóðarinnar og eflaust margar sem hlaupa til að grípa sér flík.