Síðustu ár hafa stjórnendur Reykjavíkurborgar gert allt til þess að reyna að láta íbúa landsins ferðast um fótgangandi eða í strætó. Herferðin gegn einkabílnum hefur haft þau áhrif að bílelskandi íbúar þessa lands forðast miðbæ Reykjavíkur því engin bílastæði er að fá.  

Það að eiga bílastæði í miðbæ Reykjavíkur gæti farið að flokkast sem alvöru munaður enda ekki á færi allra að eiga bílastæði sem kostar tæplega tíu milljónir. Eða er heimurinn kannski að breytast? Gæti næsti tískustraumur verið að eiga bifreið og upphitað bílastæði með rafmagni í stað íbúðar? Hver þarf íbúð ef viðkomandi getur búið í bíl sem kúrir í upphituðum bílakjallara? 

Hér er keyrt inn í bílakjallarann. Ljósmynd/Remax

Auglýsa stæði til sölu í kjallara

Nú getur þú keypt þér bílastæði í bílakjallara við Smiðjustíg í Reykjavík. Það er Gunnlaugur J. Guðlaugsson fasteignasali á Remax sem er með stæðin til sölu en alls eru þrjú stæði í boði í þessu húsi. Tvö eru jafnstór og eitt þeirra er stærra. 

Um er að ræða sér bílastæði í lokaðri og upphitaðri bílageymslu við Smiðjustíg 4, 101 Reykjavík.

Innkeyrsludyr inn í stæðið er við Canopy Hilton hótelið sem er við Smiðjustíg. 

Sjá nánar á fasteignavef mbl.is: Smiðjustígur 4

Alls eru þrjú stæði í sama bílakjallara til sölu. Stæðið lengst til vinstri er dýrara, enda aðeins stærra en hin tvö. Ljósmynd/Remax