Anna Sigurlaug Pálsdóttir fjárfestir mætti með eiginmanni sínum, Sigmundi Davíð Gunnlaugssyni formanni Miðflokksins, á kjörstað fyrr í dag. Hjónin kusu í Fjölbrautaskólanum í Garðabæ. 

Anna Sigurlaug var vel klædd þegar hún lagði lykkju á leið sína til þess að kjósa sitt fólk í dag. Hún klæddist ljósbrúnni kápu frá Max Mara og var með klút um hálsinn í sömu litapallettu.

Hjónin Anna Sigurlaug Pálsdóttir og Sigmundur Davíð Gunnlaugsson. mbl.is/Ólafur Árdal

Lífstíðareign

Kápur af þessu tagi eru úr vönduðu ullarefni og þykja lífstíðareign. Þær kosta í kringum 200.000 kr. en það er aðeins misjafnt eftir sniði, efnablöndu og lit. 

Max Mara er ítalskt fatamerki sem var stofnað 1951. Í dag er merkið selt í 502 verslunum í 69 löndum, þar á meðal á Íslandi í versluninni Evu. 

Það telst til tíðinda að Anna Sigurlaug náist á ljósmynd því hún er ekki mikið fyrir sviðsljósið. Hún á hins vegar fullt erindi og ætti að láta ljós sitt skína skærar. 

Frétt af mbl.is

Beint: Hver verður næsta ríkisstjórn?

Anna Sigurlaug og Sigmundur Davíð í fertugsafmæli hans hér um árið.

Sigmundur Davíð Gunnlaugsson og Anna Sigurlaug Pálsdóttir. Ljósmyndin var tekin 2016. mbl.is/Eva Björk Ægisdóttir

Sigmundur Davíð Gunnlaugsson og Anna Sigurlaug Pálsdóttir árið 2014. mbl.is/Eggert Jóhannesson