Jakob Frímann Magnússon, frambjóðandi Miðflokksins í Reykjavíkurkjördæmi norður, kemur inn sem uppbótarþingmaður, á kostnað Brynjars Níelssonar, frambjóðanda Sjálfstæðisflokksins, samkvæmt nýjum tölum úr kjördæminu.

Búið er að telja samtals 29.663 atkvæði.

Í þessum nýjustu tölum missa Sjálfstæðisflokkurinn og Samfylkingin talsvert fylgi.

Sjálfstæðisflokkurinn fer úr 18,7% í 17,8% og Samfylkingin úr 28% í 27%. Samfylkingin heldur fjórum þingmönnum, en sem fyrr segir missir Sjálfstæðisflokkurinn uppbótarþingmann.

Viðreisn bætir við sig og fer úr 15,8% í 16,1%. Þeir halda þó óbreyttum þingmannafjölda i kjördæminu. Miðflokkurinn fer úr 7,8% í 8,4%, en með því bætir flokkurinn við sig þingmanni og fær Jakob sem uppbótarþingmann.

Tölur úr Reykjavíkurkjördæmi norður kl 04:11. Graf/mbl.is

Flokkur fólksins eykur fylgi sitt úr 10,8% í 11% án þess að það hafi áhrif á þingmannafjölda flokksins í kjördæminu.

Þetta eru þing­menn kjör­dæm­is­ins sam­kvæmt nýj­ustu töl­um:
Kjördæmakjörnir
· Kristrún Frostadóttir (S)
· Guðlaugur Þór Þórðarson (D)
· Hanna Katrín Friðriksson (C)
· Dagur Bergþóruson Eggertsson (S)
· Ragnar Þór Ingólfsson (F)
· Þórður Snær Júlíusson (S)
· Diljá Mist Einarsdóttir (D)
· Sigríður Á. Andersen (M)
· Pawel Bartoszek (C)

Uppbótar
· Dagbjört Hákonardóttir (S)
· Jakob Frímann Magnússon (M)

Frétt af mbl.is

Beint: Samfylkingin leiðir