Alþingiskosningar 2024 | 2. desember 2024
Heilladísir veðráttunnar réðu förinni
Miðað við þær spár sem fyrir lágu rættist merkilega vel úr veðri á kjördag og hvergi kom til verulegra vandræða. Sýnt þótti að staðan gæti orðið tvísýn á Austurlandi, en með samstilltu átaki var leiðum haldið opnum og vegir ruddir þannig að fólk kæmist á kjörstað.
Heilladísir veðráttunnar réðu förinni
Alþingiskosningar 2024 | 2. desember 2024
Setja bókamerki
Miðað við þær spár sem fyrir lágu rættist merkilega vel úr veðri á kjördag og hvergi kom til verulegra vandræða. Sýnt þótti að staðan gæti orðið tvísýn á Austurlandi, en með samstilltu átaki var leiðum haldið opnum og vegir ruddir þannig að fólk kæmist á kjörstað.
Miðað við þær spár sem fyrir lágu rættist merkilega vel úr veðri á kjördag og hvergi kom til verulegra vandræða. Sýnt þótti að staðan gæti orðið tvísýn á Austurlandi, en með samstilltu átaki var leiðum haldið opnum og vegir ruddir þannig að fólk kæmist á kjörstað.
„Heilladísirnar réðu á þessum degi, þar sem allir voru annars að gera sitt besta við að halda leiðum opnum. Heimreiðir að sveitabæjum voru ruddar og fleira; allt svo fólk gæti komist á kjörstað,“ segir Einar Sveinbjörnsson veðurfræðingur sem starfar fyrir Vegagerðina.
Eftir snjókomu á föstudag var víða lausamjöll á jörðu fyrir austan, þar sem vind fór að hreyfa undir kvöld á kjördag. Þá lokuðust leiðir, svo sem um Fagradal, á Möðrudalsöræfum og víðar. En þegar þar var komið sögu hafði lýðræðið fengið að hafa sinn gang, svo framkvæmd kjörfunda raskaðist ekki og leið kjósenda þangað var greið. Í gær var leiðinlegt en annars hefðbundið vetrarveður fyrir austan; leiðir víða lokaðar, meðal annars Fagridalur sem var tepptur vegna snjóflóðs.
„Við vorum alveg róleg hér heima, en fulltrúar á kosningaskrifstofum og hjá sveitarfélaginu voru áfram um að ryðja veginn hingað út eftir þannig að við gætum kosið,“ segir Óðinn Logi Þórisson á Vattarnesi við Reyðarfjörð.
Lesa má meira um málið í Morgunblaðinu í dag.
