Félag atvinnurekenda (FA) telur brýnt að horft verði til hagsmunamála fyrirtækja við smíði stjórnarsáttmála nýrrar ríkisstjórnar.

Stjórn félagsins hefur sent formönnum allra flokkanna sex, sem fengu menn kjörna á Alþingi í nýafstöðnum kosningum, ályktun þess efnis. Þetta kemur fram í tilkynningu frá FA.

Frétt af mbl.is

Fundar með Þorgerði og Ingu eftir hádegi

Á meðal tillagna er að sérréttindi ríkisstarfsmanna verði afnumin og þeim fækkað, Samkeppniseftirlit hafi eftirlit með útboðum á vegum opinberra stofnana, undanþágur mjólkur- og kjötvinnslu frá samkeppnislögum verði afnumdar, valdheimildir ríkissáttasemjara verði auknar og bremsa sett á hækkanir fasteignaskatta.

Kristrún Frostadóttir, formaður Samfylkingarinnar, hyggst funda með formönnum Viðreisnar og Flokks fólksins eftir hádegi í dag til að ræða stjórnarmyndun í kjölfar þess að hafa fengið stjórnarmyndunarumboð frá forseta Íslands í morgun.