Kristrún Frostadóttir formaður Samfylkingarinnar negldi sig inn í ríkisstjórn í 54.000 króna pallíettublússu. Pallíettublússan er frá Polo Ralph Lauren og fæst hérlendis í verslunum Mathilda í Kringlu og Smáralind og í Collections á Hafnartorgi. Pallíettublússan seldist upp eftir að Kristrún klæddist henni. 

Gulla Bjarnadóttir verslunarstjóri í Collections á Hafnartorgi staðfestir það í samtali við Smartland að blússan sé nánast uppseld. 

„Það er ein eftir í Smáralind og hún kemur því miður ekki aftur,“ segir Gulla en fólk þarf ekki að örvænta því það er til heilmikið af fallegum fatnaði í versluninni sem ætti að falla í kramið fyrir komandi partítíð. 

Frétt af mbl.is

Kristrún negldi sig inn í ríkisstjórn í 54.000 króna pallíettublússu

Tískudrottningin Gulla Bjarnadóttir segir að blússan sé uppseld. mbl.is/Karítas Sveina Guðjónsdóttir