Pamela Anderson hefur vakið mikla athygli undanfarna mánuði meðal annars vegna ákvörðunar sinnar að losa sig við allan farða og njóta þess að vera náttúruleg. Það var aldeilis þannig þegar hún mætti á Gotham-verðlaunin í New York á dögunum en hún var tilnefnd fyrir hlutverk sitt í myndinni The Last Showgirl.

Anderson sem er 57 ára mætti í smjörgulum hlýralausum síðkjól. Fylgihlutir voru látlausir, hárið slegið og andlitið laust við allan farða. Hún hefur sagt í viðtölum að þetta sé mjög frelsandi.

Anderson hefur vakið mikla athygli síðustu mánuði. Ljósmynd/AFP

Frétt af mbl.is

Fleiri taka Pamelu Anderson til fyrirmyndar

Anderson leikur aðalhlutverk í kvikmyndinni The Last Showgirl sem hefur fengið mjög góða dóma. Leikur hennar í myndinni er sagður frábær.