Inga Sæland, formaður Flokks fólksins, er bjartsýn á það takist að mynda ríkisstjórn Samfylkingarinnar, Viðreisnar og Flokk fólksins en stjórnarmyndunarviðræður formanna flokkanna halda áfram eftir hádegi í dag.

Frétt af mbl.is

„100 prósent samstaða“

„Ég er að fara að hitta þingflokkinn minn, starfsmenn og stjórn klukkan 11 þar sem ég mun upplýsa hann um stöðu mála í viðræðunum og að honum loknum höldum við formenn flokkanna áfram í okkar viðræðum,“ segir Inga við mbl.is.

Margir sameiginlegir fletir á milli okkar

Inga segir að hingað til hafi viðræðurnar gengið vel og að snert hafi verið á ýmsum málum og þar á meðal álitamálum sem flokkarnir eru ekki allir sammála um.

Frétt af mbl.is

Búnar að ræða flest mál

„Þetta gengur mjög vel og það er bjartsýni og bros í herbúðum allra flokkanna. Þetta eru þrír flokkar sem hafa ekki nákvæmlega sömu áherslur í öllum málum eins og gengur og gerist en það hefur komið mér á óvart hversu margir sameiginlegir fletir eru á milli okkar. Viðræðurnar á milli okkar hafa gengið vonum framar,“ segir Inga Sæland.

Hún segir það muni skipta samfélagið miklu máli ef flokkunum takist að ná að mynda ríkisstjórn.

Frétt af mbl.is

„Samtölin góð og við þokumst nær“