Sýrland | 8. desember 2024
75 loftárásir í Sýrlandi í dag
Bandaríski herinn hefur gert 75 loftárásir á skotmörk Íslamska ríkisins, oft kölluð ISIS, í Sýrlandi í dag. Árásirnar beindust að leiðtogum, liðsmönnum og búðum samtakanna.
75 loftárásir í Sýrlandi í dag
Sýrland | 8. desember 2024
Setja bókamerki
Bandaríski herinn hefur gert 75 loftárásir á skotmörk Íslamska ríkisins, oft kölluð ISIS, í Sýrlandi í dag. Árásirnar beindust að leiðtogum, liðsmönnum og búðum samtakanna.
Bandaríski herinn hefur gert 75 loftárásir á skotmörk Íslamska ríkisins, oft kölluð ISIS, í Sýrlandi í dag. Árásirnar beindust að leiðtogum, liðsmönnum og búðum samtakanna.
Þetta kemur fram í tilkynningu frá bandaríska hernum.
Þá greinir breska ríkisútvarpið frá því að engar vísbendingar væru um mannfall almennra borgara.
Joe Biden Bandaríkjaforseti varaði við því fyrr í kvöld að samtökin myndu nýta sér tómarúmið til þess að endurreisa sig í Sýrlandi.
„Við látum það ekki gerast,“ sagði Biden.
„Öll samtök í Sýrlandi ættu að vita að við munum draga þau til ábyrgðar ef þau eiga í samstarfi við ISIS eða styðja á einhvern hátt,” sagði Michael Erik Kurilla, hershöfðingi hjá bandaríska hernum.
Fyrr í dag náðu sýrlenskir uppreisnarmenn yfirráðum yfir Sýrlandi og hefur Bashar al-Assad, fyrrverandi forseti Sýrlands, flúið til Rússlands.
