Sjö listamenn voru heiðraðir í Kennedy Center-listamiðstöðinni í Washington D.C. á sunnudagskvöldið. Þetta voru leikstjórinn Francis Ford Coppola, tónlistarkonan Bonnie Raitt, trompetleikarinn Arturo Sandoval og liðsmenn rokksveitarinnar Grateful Dead, þeir Mickey Hart, Bill Kreutzmann, Phil Lesh og Bobby Weir. 

The Apollo, þekkt leikhús í New York-borg, hlaut einnig sérstaka viðurkenningu og er þetta í fyrsta sinn sem menningarmiðstöð er heiðruð á hátíðinni. 

Verðlaunin eru veitt árlega til að heiðra listamenn fyrir framlag þeirra til fjölbreyttrar listmenningar. Áður en verðlaunaafhendingin hófst komu heiðursgestirnir saman til kvöldverðar í Hvíta húsinu þar sem Joe Biden, fráfarandi Bandaríkjaforseti, flutti ávarp.

Leikkonan Queen Latifah var kynnir kvöldsins.

Robert De Niro, Martin Scorsese, Al Pacino, George Lucas, David Letterman, Dave Chappelle og Sheryl Crow voru meðal þeirra sem mættu og hylltu heiðurshafa kvöldsins.

Verðlaun­in voru fyrst af­hent árið 1978 og hafa yfir 250 lista­menn verið heiðraðir í gegn­um árin.

Tónlistarkonan Bonnie Raitt var meðal heiðurshafa. Ljósmynd/Paul Morigi

Liðsmenn Grateful Dead fengu standandi lófaklapp. Ljósmynd/AFP

Kynnir kvöldsins var Queen Latifah. Ljósmynd/AFP

George Lucas ásamt eiginkonu sinni, Mellody Hobson. Ljósmynd/Paul Morigi

Francis Ford Coppola var meðal heiðurshafa. Ljósmynd/AFP

Leikarinn Miles Teller. Ljósmynd/AFP

Trompetleikarinn Arturo Sandoval. Ljósmynd/AFP

Liðsmenn Grateful Dead. Ljósmynd/AFP

Rífandi stemning var á svæðinu. Ljósmynd/AFP

Andy Garcia mætti með dóttur sína upp á arminn. AFP

Tónlistarkonan Brandi Carlile mætti ásamt eiginkonu sinni Catherine Shepherd. AFP

Leikkonan Chloe Sevigny heiðraði liðsmenn Grateful Dead. Ljósmynd/AFP

Fráfarandi Bandaríkjaforseti og frú fengu standandi lófaklapp. Ljósmynd/AFP