Jón Ármann Steinsson, útgefandi bókarinnar Leitin að Geirfinni, segir að aðstandendur bókarinnar muni bíða eftir myndun nýrrar ríkisstjórnar áður en lengra verður haldið varðandi gögn sem þeir vilja koma í hendur einhverra sem gætu rannsakað hvarf Geirfinns Einarssonar í Keflavík í nóvember 1974.

Frétt af mbl.is

Telur sig vita hvað gerðist

Eins og fram hefur komið segist Jón Ármann vera með nýjar upplýsingar í málinu sem kalli á að rannsaka mannshvarfið upp á nýtt og út frá allt öðrum forsendum en gert var á sínum tíma. Eins og fram hefur komið hér í blaðinu hefur Jón Ármann ekki afhent gögnin því hann telur ekki við hæfi að gögnin séu hjá lögregluembættinu í Keflavík þar sem hann segir margt hafa farið úrskeiðis við rannsókn málsins á sínum tíma.

Jón Ármann og aðstandendur bókarinnar hvetja fólk sem telur sig búa yfir einhverjum upplýsingum um mannshvarfið að setja sig í samband í gegnum Facebooksíðuna Leitin að Geirfinni. 

Nánar er rætt við Jón Ármann í Morgunblaðinu í dag.