„Þá sprakk ég úr reiði, ég get alveg sagt það eins og það er,“ sagði Hannes Þór Halldórsson, fyrrverandi landsliðsmarkvörður Íslands í fótbolta, í Dagmálum.

Hannes Þór, sem er fertugur, lagði skóna á hilluna haustið 2021 eftir afar farsælan feril þar sem hann var í lykilhlutverki hjá íslenska landsliðinu og fór á tvö stórmót með liðinu.

Fæstir fótboltamenn fá draumaendi

Mikið af erfiðum tilfinningum

Hannes yfirgaf Valsmenn árið 2021 og lagði skóna á hilluna skömmu síðar en þegar Valsmenn tilkynntu brotthvarf Hannesar af Hlíðarenda tilkynnti félagið að hann hefði verið rekinn, sem var fjarri sannleikanum.

Frétt af mbl.is

Valur biður Hannes afsökunar – Hannes rekinn!!

„Það var búinn að vera mikill aðdragandi að þessu og mikið af erfiðum tilfinningum,“ sagði Hannes.

„Þetta var leiðinlegt og opinbert mál sem var í fjölmiðlum. Fótboltinn var að klárast þarna og mögulega með allt öðruvísi og leiðinlegri hætti en stóð til. Það fór langur tími í það að fá niðurstöðu í málið en svo féll þetta í ágætis farveg og ég skildi við Börk og félaga í ágætis sátt. Daginn eftir kemur svo þessi tilkynning.

Þá var ég í rauninni orðlaus og skildi ekki hvað var í gangi. Það fóru alls konar getgátur af stað. Mér fannst illa að þessu staðið og þetta var klúður frá A til Ö. Ég held að Börkur myndi nú alveg taka undir það með mér,“ sagði Hannes meðal annars.

Viðtalið við Hannes Þór í heild sinni má nálgast með því að smella hér eða á hlekkinn hér fyrir ofan.

Hannes Þór Halldórsson. Ljósmynd/Kristinn Steinn