Förðunarfræðingurinn Harpa Káradóttir sýndi fallega hátíðaförðun í Apotek Atelier á föstudaginn var í samvinnu við íslenska tískumerkið Sif Benedicta. Verslunin Apotek Atelier selur íslenska hönnun frá Sif Benedicta, sem er í eigu Halldóru Sif Guðlaugsdóttur og líka hönnun Sævars Markúsar sem hannar undir sama nafni.

„Ég notaði léttan og ljómandi farða frá Shiseido og notaði brúna og ljósfjólubláa tóna á augun því mér fannst það passa fötunum hennar Halldóru Sifjar,“ segir Harpa sem notaði augnskuggapallettu frá Dior, Dior Backstage Glow Faceg Palette.

„Ég endaði svo á fjólurauðum varalit og köldum bleikum kinnalit,“ segir Harpa en varaliturinn kemur frá MAC og heitir Amplified Lipstick.

Harpa segir að hún hafi mikla ánægju af því að farða fólk í litum sem margir hræðast en hér sannaði hún að fjólubláir augnskuggar og fjólurauðir varalitir eru hátíðlegir og fallegir þegar allt er komið á sinn stað í andlitum þokkadísa. Harpa komst í fréttir á dögunum þegar hún farðaði Þórhildi Sunnu Ævarsdóttur fyrir kappræðurnar á Rúv sem fram fóru daginn fyrir kosningar sem fram fóru 30. nóvember. 

Frétt af mbl.is

Þórhildur Sunna valdi Hörpu Kára fram yfir sminkurnar á Rúv

Hér sést fjólublái augnskugginn vel. Ljósmynd/Rebekka Marinósdóttir

Anna klæddist fatnaði frá Sif Benedicta. Ljósmynd/Rebekka Marinósdóttir

Harpa setti varalitablýant á Önnu. Ljósmynd/Rebekka Marinósdóttir

Ljósmynd/Rebekka Marinósdóttir

Harpa notaði liti sem hún segir að margir séu hræddir við. Ljósmynd/Rebekka Marinósdóttir

Anna Brauna tilbúin í allt. Ljósmynd/Rebekka Marinósdóttir

Ljósmynd/Rebekka Marinósdóttir