Fjölmiðlar velta nú vöngum yfir því hvort samningur Harry og Meghan við Netflix standi tæpt. Nýjasta útspil þeirra hjá Netflix, þættir um póló íþróttina, virðist ekki falla í kramið hjá áhorfendum.

Frægt er þegar Harry og Meghan skrifuðu undir samning hjá Netflix fyrir 100 milljónir dollara en sá samningur rennur út á næsta ári. 

Gagnrýnendur segja að þættirnir séu leiðinlegir og „fyndnir án þess að ætla sér að vera það“. Hjónin birtast ekki saman í seríunni fyrr en í fimmta þætti sem var tekinn upp í apríl. Þá sést Harry ekki nema rétt aðeins í upphafi og svo í fjórða þætti þar sem hann sést stuttlega á spjalli við fólk. Besti vinur hans, Nacho Figueras er hins vegar í stóru hlutverki í þáttunum.

Figueras er vel þekktur innan póló heimsins en þó minna þekktur en Harry meðal almennings.

Almannatengslasérfræðingar hafa viðrað áhyggjur sínar.

„Þetta gæti verið síðasti naglinn í kistuna hvað varðar samstarf þeirra við Netflix. Netflix leggur áherslu á algoritma til þess að gulltryggja upplifun notenda sinna og póló mun ekki ná að grípa athygli þeirra. Fólk vill sjá eitthvað persónulegt,“ sagði Nick Ede í viðtali við Daily Mail. 

„Allt sem þau hafa gert upp á síðkastið hefur ekki slegið í gegn.“

Þá herma heimildir úr innanbúðum Netflix að þegar framleiðendur sáu brot úr þáttunum þá urðu þeir fyrir miklum vonbrigðum og þeim leið eins og Harry hefði verið villt um fyrir þeim.

„Allir myndu búast við að Harry tæki að sér stærra hlutverk í þáttunum.“

Frétt af mbl.is

Lítil spenna fyrir nýjustu þáttum Harry og Meghan

Frétt af mbl.is

Allt um viðskiptaævintýri Harrys og Meghan